आता मतदारांना पोचपावतीही मिळणार !

October 8, 2013 10:57 PM1 commentViews: 767

election 3423408 ऑक्टोबर : तुम्ही मतदान करायला जाता तेंव्हा तुमच्या हाताच्या बोटावर निळी शाई लावली जाते आपण मतदान केलं ही त्याची ओळख पण आता मतदान केल्याची पोचपावतीही मिळणार आहे. मतदान प्रक्रियेत पारदर्शकता आणण्यासाठी मतदारांना पोचपावती द्यावी, असा आदेश सुप्रीम कोर्टाने निवडणूक आयोगाला दिला आहे.

 

भाजपचे नेते सुब्रमण्यम स्वामी यांनी याबाबत एक जनहित याचिका दाखल केली होती. आज त्यावर सुनावणी झाली यावेळी कोर्टाने हा महत्त्वपूर्ण निर्णय दिला. सुब्रमण्यम स्वामी यांनी आपल्या याचिकेत व्होटिंग मशिन्स पारदर्शक नसल्यानं मतदारांना सोबत पोचपावतीही द्यावी, अशी मागणी त्यांनी केली होती.

 

त्यावर येत्या लोकसभा निवडणुकीत टप्प्याटप्प्याने ही नवी पद्धत अमलात आणावी असा निर्णय सरन्यायाधीश पी. सदासिवम यांच्या खंडपीठानं दिलाय. यामुळे बोगस मतदान, व्होटिंग मशीनमध्ये फेरफार करून मतदान वाढवणार्‍या प्रकारावर आळा बसेल. विशेष म्हणजे या मागिल महिन्यात मतदारांना नकाराधिकार देण्यात यावा यासाठी एव्हीएम मशीनमध्ये ज्याला मतदान करायचे नाही असं बटन तयार करावे असा निर्णयही कोर्टाने दिला होता.

  • Nishikant Bharati

    Chan ani he pavti id proof sobmit kartana kiva jyani suti geun voting keli asel gove servent salary tya mahinyachi salary detana upyog karva jene karun vote % vadhel. Jyani voting kelinni tyanci rashan card invalid karave. Poch pavticha fayda hou shakto. Pan tyvar konala vote dile gele ahe te coding madhe zale asave v te not visible asave. Ni tar gairfayada hou shakto

close