हिरानंदानींनी पत्रकार परिषदेतून पळ काढला

February 4, 2009 5:02 PM0 commentsViews: 2

4 फेब्रुवारी मुंबईबिल्डर हिरानंदानी यांना स्वतःच्याच पत्रकार परिषदेतून पळ काढावा लागला आहे. प्रसिद्ध बिल्डर हिरानंदानी यांना 2 हजार कोटी रुपयांचा दंड बसणार अशा आशयाची बातमी मुंबईतल्या एका इंग्रजी दैनिकात प्रसिद्ध झाली, त्यानंतर याचं स्पष्टीकरण देण्यासाठी हिरानंदानी यांनी पत्रकार परिषद घेतली. पण या पत्रकार परिषदेत पत्रकारांच्या प्रश्नांना उत्तरं देताना निरंजन हिरानंदानी यांनी पळ काढला. मुंबईतल्या पवई भागातल्या हिरानंदानी डेव्हलपर्सची काही जमीन सेझसाठी राखीव केलेली आहे. पण निरंजन हिरानंदानी यांनी न्यायालयात केलेल्या ऍफिडेव्हीटमध्ये अशाप्रकारे जमीन दिली नसल्याचं म्हंटलंय. त्यामुळे काही दिवस हा मुद्दा वादग्रस्तरित्या चर्चेत आहे. या सगळ्याच्या स्पष्टीकरणासाठी आयोजित केलेल्या पत्रकार परिषदेत मात्र हिरानंदानी यांना पळता भूई थोडी झाली. या पत्रकार परिषदेत हिरानंदानी यांनी मनोहर जोशी मुख्यमंत्री असताना गरिबांसाठी आपण 5 हजार घराचं वाटप केल्याचं सांगितलं. पण नंतर पत्रकारांच्या प्रश्नांपुढे ते गडबडले.

close