सौरवला शाहरुखचा पाठिंबा

April 1, 2009 8:25 AM0 commentsViews: 6

1 एप्रिलआयपीएलच्या कोलकाता नाइट रायडर्स टीमचा कॅप्टन सौरव गांगुली आणि कोच जॉन बुकानन यांच्यातल्या वादात टीमच्या मालकाचा शाहरुख खानचा मात्र सौरव गांगुलीला पाठिंबा असल्याचे संकेत मिळतायत. गांगुलीने शाहरुखची मुंबईत भेट घेतल्यानंतर टीमतर्फे प्रसिद्ध करण्यात आलेल्या पत्रकात कॅप्टनबाबतच्या वादावर टीमच्या सीनिअर खेळाडूंशी चर्चा सुरु असल्याचं स्पष्ट केलं आहे. पत्रकातील मजकुरानुसार एकापेक्षा जास्त कॅप्टन नेमण्याच्या बुकानन यांच्या कल्पनेने क्रिकेट जाणकारही बुचकाळ्यात पडलेत. निदान पहिल्या काही मॅचेसमध्ये तरी गांगुलीच प्रमुख कॅप्टन असल्याचं म्हटलंय. कॅप्टन कोण या समस्येविषयी सीनिअर खेळाडूंशी टीम मॅनेजमेंटचं बोलणं झालंय आणि त्यांचही मत बुकानन यांच्या कल्पनेला अनुकूल नाही. पण कॅप्टनविषयीचा अंतिम निर्णय दक्षिण आफ्रिकेत पोहोचल्यावरच घेण्यात येईल, असं या पत्रकात नमूद करण्यात आलंय.

close