राज्यात सरासरी 58 टक्के मतदान

April 17, 2014 8:42 PM2 commentsViews: 12146

2323_election_17_april_maharashtra 17 एप्रिल : लोकसभा निवडणुकीसाठी राज्यात आज (गुरुवारी) मतदानाचा महत्त्वाचा दुसरा टप्पा संपला. बीड वगळता सगळ्या ठिकाणी गेल्या वर्षीपेक्षा मतदानाची टक्केवारी वाढलीय. राज्यभरात यावर्षी 58 टक्के मतदान झालं.

मराठवाडा, पश्चिम महाराष्ट्र, कोकण, उत्तर महाराष्ट्र या भागातल्या 19 जागांसाठी हे मतदान होतं. राज्यातल्या बड्याबड्या नेत्यांचं भवितव्य ईव्हीएम मशिनमध्ये बंद झालंय. बर्‍याच ठिकाणी चुरशीच्या लढती आहेत. मावळमध्ये मतांच्या टक्केवारीत 20 टक्क्यांनी वाढ झालीय. पुणे 18 टक्के बारामती, नगर, नांदेड, शिर्डी, सोलापूर 10 टक्क्यांनी वाढ झाली तर बीडमध्ये 1 टक्क्यांची घट हातकणंगलेमध्ये साधारणपणे तेवढंच मतदान झालंय.

हिंगोलीमध्ये 63, नांदेड 63 परभणी 62, मावळ 63, पुणे 59, बारामती 68,शिरूर 60, अहमदनगर 60, शिर्डी 61, बीड 64, उस्मानाबाद 65, लातूर 62, सोलापूर 57, माढा 62, सांगली 62, सातारा 57, रत्नागिरी-सिंधुदुर्गमध्ये 60, कोल्हापूर 70 आणिहातकणंगले 71 टक्के मतदान झालंय.

मतदानाचा हक्क बजावला

 पुणे, सोलापूर, बारामती, माढा, बीडमध्ये मतदारांनी सकाळपासूनच रांगा लावल्या आहेत. नेत्यांनीही सकाळी मतदानाचा हक्क बजावला. सोलापूरमध्ये केंद्रीय गृहमंत्री सुशीलकुमार शिंदेंनी यांनी सहकुटुंब मतदानाचा हक्क बजावला. तर बारामतीमध्ये राष्ट्रवादीच्या खासदार सुप्रिया सुळेंनीही मतदानाचा हक्क बजावला. पुण्यातील मनसे उमेदवार दीपक पायगुडे, ज्येष्ठ समाजसेवक अण्णा हजारे, नाांदेडमध्ये अशोक चव्हाण यांनीही सकाळी लवकर जाऊन मतदानाचा हक्क बजावला. पुण्यात शिवशाहीर बाबासाहेब पुरंदरे यांनीदेखील मतदान केले. मतदारांना मतदानासाठी बाहेर पडावे असे आवाहानही पुरंदरे यांनी केले आहे. उन्हाचा कडाका टाळण्यासाठी लोकांनी सकाळीच मतदानाला येण्याला पसंती दिली. नांदेडचे पालकमंत्री डी.पी.सावंत यांनी सकाळीच सपत्निक मतदान केलं.

 

दुसर्‍या टप्प्यातलं मतदान

—————————————————————————

मतदारसंघ        2014        2009

—————————————————————————

हिंगोली                          63           60    
नांदेड                             63           54
परभणी                         62            54    
मावळ                             63           45
पुणे                                  59            41
बारामती                        68            46
शिरूर                              60             51
अहमदनगर                  60             52
शिर्डी                               61             50
बीड                                64             66
उस्मानाबाद                 65             57
लातूर                            62             55
सोलापूर                       57             47
माढा                            62             59
सांगली                        62            52
सातारा                       57            53
रत्नागिरी-सिंधुदुर्ग    60            57
कोल्हापूर                   70             65
हातकणंगले               71            67

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

+++++++++++++++++++++++++++++++++++++++++++++++++++++++++++++++++++++++++++++++++++++

  • Pushpendra Gupta

    Bogus voter process in pune city. above 40% name not in voter list.

  • Prashant Patil

    Right. If name of the voter are in list of general elections 2009, then how it will be automatically deleted without application for deletion by the voters in list of 2014 elections? Strict inquiry and action should be taken by court (coz government will do just nothing as usual) in this case.

close