लोकसभा शेवटच्या टप्प्यात, आठव्या फेरीत 7 मेला मतदान

May 1, 2014 3:18 PM0 commentsViews: 598

mizoram-mnf-and-mpc-reach-poll-agreement-for-assembly-elections_18101308293101 मे : लोकसभा निवडणूक आता शेवटच्या टप्प्यात पोहोचली आहे. 9 टप्प्यांपैकी आतापर्यंत 7 टप्प्यांचं मतदान पूर्ण झालंय. यापुढचं म्हणजे आठव्या फेरीतलं मतदान 7 मे रोजी म्हणजे येत्या बुधवारी होतंय.

यामध्ये सीमांध्र भागातल्या 25 जागांसाठी, बिहारच्या 7, हिमाचल प्रदेशच्या 4 जागांसाठी, जम्मू- काश्मीरच्या 2, उत्तर प्रदेशच्या 15, उत्तराखंडच्या सर्वच्या सर्व म्हणजे 5 जागांसाठी, पश्चिम बंगालच्या 6 अशा 7 राज्यांच्या 64 जागांसाठी मतदान होतंय. यामध्ये उत्तरप्रदेशमध्ये अमेठी, सुलतानपूर हे महत्त्वाचे मतदारसंघ आहेत.

बिहारमध्ये राबडी देवींचा सारण, रामविलास पासवानांचा हाजीपूर या मतदारसंघांचा समावेश आहे. जम्मू काश्मीरमध्ये बारामुल्ला या संवेदनशील मतदारसंघात 7 तारखेला मतदान होईल. हिमाचलच्या सर्व जागांवर मतदान होईल. हिमाचलचे मुख्यमंत्री वीरभद्र सिंग यांच्या पत्नी प्रतिभा सिंग या मंडी या मतदारसंघातून रिंगणात आहेत. तर पश्चिम बंगालमधील बांकुरामधून वासुदेव आचार्य रिंगणात आहेत.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

+++++++++++++++++++++++++++++++++++++++++++++++++++++++++++++++++++++++++++++++++++++

close