नितीन आगे हत्याकांड प्रकरणाचा खटला फार्स्ट ट्रॅक कोर्टात

May 2, 2014 10:33 PM1 commentViews: 1674

nitin_aage02 मे : अहमदनगर जिल्ह्यात नितीन आगे हत्याकांड प्रकरणाचा खटला फार्स्ट ट्रॅक कोर्टात चालवण्याचे आदेश गृहमंत्री आर.आर. पाटील यांनी दिले आहेत. नगर जिल्ह्यात जामखेडमधल्या नितीन आगेची प्रेमप्रकरणाच्या संशयातून निर्घृण हत्या करण्यात आली होती. याप्रकरणी सामाजिक संघटना आणि दलित संघटनांनी आवाज उठवल्यानंतर गृहमंत्र्यांनी खटला फार्स्ट ट्रॅक कोर्टात चालेल असे आदेश दिले आहे.

 दरम्यान, कोसळलेली कायदा-सुव्यवस्था- बधीर झालेली राजकीय संवेदनशीलता आणि समाजाचा न राहीलेला धाक या कारणांमुळं खर्डा गावात ही घटना घडलीये, असं मत ज्येष्ठ सामाजिक कार्यकर्ते कुमार सप्तर्षी यांनी व्यक्त केलंय.

जामखेडचे आमदार आणि अहमदनगरचे खासदार काय करत आहेत असा सवाल सप्तर्षी यांनी केलाय. राजकीय दृष्ट्या सतर्क असलेल्या अहमदनगर जिल्ह्यात विखे पाटील -गडाख- थोरात या बड्या राजकारण्यांचा धाक- दरारा उरला नाही का अशी जळजळीत टीकाही सप्तर्षी यांनी केलीय. राज्यातल्या निवडणुका आता संपल्या आहे. आता तरी लक्ष द्या असं आवाहन कुमार सप्तर्षी यांनी राजकीय नेत्यांना केलंय.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

+++++++++++++++++++++++++++++++++++++++++++++++++++++++++++++++++++++++++++++++++++++

  • dhanraj

    Home portpolio in maharastra should not be alloted to castist party like NCP during their tenure attack against dalit increased because most of the crimal in such crimed are NCP leaders so how can Aaba can take stern action against their party workers? Show me one example where Aaba has taken stern action taken for justice to dalit. People of maharastra know irrigation scam ,Gharkul Scam in jalgaon and respect shown by our Ncp leaders towards constation for twice voting.

close