सेना-भाजपमध्ये जागावाटपावरुन जुंपली

June 18, 2014 11:05 PM2 commentsViews: 3048

udhav fadnavis18 जून : लोकसभा निवडणुकीत दणदणीत विजय मिळवल्यानंतर विधानसभेसाठी मात्र भाजप आणि शिवसेनेमध्ये जागावाटपावरुन चांगलीच जुंपलीय. दोन्ही पक्षांनी जास्त जागांवर दावा सुरू केलाय.

शिवसेना भाजपाच्या जागावाटपाच्या फॉर्म्युलात कुठलाही बदल होणार नाही. शिवसेना फारफार तर काही जागा आदलाबदल होण्यावर विचार होऊ शकेल असं शिवसेनेचे सचिव अनिल देसाई यांनी स्पष्ट केलंय. काही जागा वाढवून मिळाव्यात यासाठी भाजप शिवसेनेवर दबाव वाढवत आहे.

दरम्यान, आतापर्यंत ज्या पक्षाला जास्त जागा मिळाल्यात, त्याच पक्षाचा मुख्यमंत्री होत आला आहे पण यंदाच्या निवडणुकीत एकाच पक्षाला जास्त जागा मिळतील असा विश्वास शिवसेनेचे नेते मनोहर जोशी यांनी व्यक्त केला. तसंच शिवसेनेकडून उद्धव ठाकरे हेच मुख्यमंत्रीपदाचे दावेदार आहेत, असंही त्यांनी स्पष्ट केलंय.

तर आमच्यात जागावाटपाची अजून कोणतीही चर्चा झाली नाही, त्यामुळे हवेत गोळीबार करू नका असा टोला भाजपचे प्रदेशाध्यक्ष देवेंद्र फडणवीस यांनी लगावलाय. दरम्यान, उद्धव ठाकरे उद्या (गुरुवारी) राज्यातल्या 288 मतदारसंघांचा आढावा घेणार आहेत. शिवसेना जर निवडणूक एकट्यानं लढली, तर किती मतदारसंघात ताकदीचे उमेदवार आहेत याची चाचपणीही उद्धव करणार असल्याचं समजतंय.

 उद्धव ठाकरेंचा काय कार्यक्रम आहे?

- शिवसेना स्वतंत्र लढल्यास किती मतदारसंघात ताकदीचे उमेदवार आहेत? याची चाचपणी
- 288 मतदारसंघाचे बूथ मेंबर नोंदणी
- 288 मतदारसंघांत गाव तिथे शिवसेना
- विशेषत: पूर्व विदर्भावर लक्ष देणार
- राज्यातल्या 6 महसूल विभागाच्या मुख्यालयाच्या शहरात स्वतंत्र सभा घेणार
- शिवबंधन गावपातळीपर्यंत नेणार
- शिवाजी महाराजांच्या गड-किल्ल्यांचं सर्वेक्षण व्हावं, यासाठी 10 लाख सह्यांची मोहीम
- गड-किल्ल्यांना केंद्राने निधी द्यावा, यासाठी पंतप्रधानांना 10 लाख सह्यांचं निवेदन देणार

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

+++++++++++++++++++++++++++++++++++++++++++++++++++++++++++++++++++++++++++++++++++++

  • umesh jamsandekar

    महाराष्ट्रात भाजपला जे यश मिळाल ते मोदींच्या लाटेमुळे त्यामुळे सत्तेची मस्ती येवू न देता मित्र पक्षाच स्वप्न साकार करण्यासाठी पुढाकार घ्या. आणि मोठ्या मनाने जागा वाटपाचा तिढा सोडवून सत्तेवर या.

  • Manse Palghar

    गल्लीत गोंधळ दिल्लीत मुजरा

close