बॉडीबिल्डर सुहास खामकरला 2 दिवसांची पोलीस कोठडी

August 5, 2014 9:08 PM0 commentsViews: 3315

suhas khamkar
 05 ऑगस्ट : बॉडीबिल्डर आणि पनवेलचे नायब तहसीलदार सुहास खामकरला 50 हजार रुपयांची लाच घेताना पकडल्यानंतर आज रायगड जिल्हा सत्र न्यायालयात हजर केले असता 2 दिवसांची पोलीस कोठडी सुनावण्यात आली आहे .

आंतरराष्ट्रीय स्तरावर नावाजलेले सुहास खामकर हे पनवेल येथे नायब तहसीलदार म्हणून काम करत होते. यावेळेस रायगड जिल्ह्यातील पनवेल इथल्या एका जमिनीच्या सातबारावर नोंदणी करण्यासाठी सुहास खामकरने 1 लाख रुपयांची लाच मागितली होती.  गणेश भोगाडे यांनी तक्रारदाराकडून काम करून देण्यासाठी 60 हजार रुपयांची मागणी केली. तडजोडीनंतर 50 हजार रुपये देण्याचे तक्रारदारांनी मान्य केले होते. याबाबतची तक्रार मिळाल्यानंतर रायगडच्या लाचलुचपत विभागाने सापळा लावला होता आणि खामकरला रंगेहाथ अटक करण्यात आली. दरम्यान, आज या दोघांनाही रायगडच्या अलिबाग सत्र न्यायालयात हजर केले आणि 2 दिवसांची पोलीस कोठडी सुनावण्यात आली आहे .

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close