सिंधुदुर्ग, रत्नागिरीतल्या 900 गावांमधला इको-सेन्सिटिव्ह झोन उठवला

August 6, 2014 5:20 PM0 commentsViews: 3284

Marleshwar waterfall kokan

06 ऑगस्ट : सिंधुदुर्ग आणि रत्नागिरी या दोन जिल्ह्यांतील 900 गावं इको-सेन्सिटिव्ह झोनमधून वगळण्यात आल्याची माहिती केंद्रीय पर्यावरण मंत्री प्रकाश जावडेकर यांनी बुधवारी दिली. या निर्णयामुळे या गावांतील विकासकामांना चालना मिळणार असल्याचंही त्यांनी सांगितलं.

कोकणातील सिंधुदुर्ग आणि रत्नागिरी या दोन जिल्ह्यांतील काही गावांचा समावेश इको-सेन्सिटिव्ह झोनमध्ये करण्यात आला होता. त्यामुळे या गावांतील घरांच्या दुरुस्तीसह इतर विविध विकासकामे थांबविण्यात आली होती. खासदार विनायक राऊत यांनी हा विषय पर्यावरण मंत्रालयापुढे लावून धरला होता. राज्य शासनाच्या निष्क्रियतेमुळे कोकण विकासापासून वंचित राहिला असल्याचा आरोप विनायक राऊत यांनी यावेळी केला. इको-सेन्सिटिव्ह झोनमुळे या गावांमध्ये नवे उद्योग येण्यात अडथळे निर्माण झाले होते. त्यामुळे त्याला अनेकांनी विरोध केला होता.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close