युपीत 60 वर्षीय नराधमाचा 6 वर्षांच्या चिमुरडीवर बलात्कार

August 18, 2014 8:48 PM0 commentsViews: 1048

rape18 ऑगस्ट : उत्तरप्रदेशमध्ये गाझियाबाद इथं लोनी भागात एका 6 वर्षांच्या अल्पवयीन मुलीवर 60 वर्षांच्या वृद्धाने बलात्कार केल्याची धक्कादायक घटना घडली आहे.

त्यामुळे संतप्त स्थानिकांनी पोलिसांच्या वाहनाची मोडतोड केली आणि गाडी पेटवून दिली. बलात्काराचा गुन्हा दाखल करून न घेता पोलिसांनी फक्त विनयभंगाची तक्रार नोंदवून घेतल्याचा आरोप या पीडित मुलीच्या घरच्यांनी केलाय.

तर बाललैंगिक शोषण विरोधी कायद्या अंतर्गत काही कलमं लावल्याचा पोलिसांचा दावा आहे. ही पीडित मुलगी आणि आरोपी वेगवेगळया जातीचे आहेत.

या आरोपीला अजूनही अटक करण्यात आलेली नाही. या परिसरात कलम 144 लावण्यात आलं असून, परिस्थिती चिघळू नये म्हणून कडक बंदोबस्त ठेवण्यात आलाय.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close