काँग्रेसला धक्का, राणेंचे समर्थक बने आणि कदम शिवसेनेच्या वाटेवर

August 23, 2014 7:56 PM0 commentsViews: 2483

rane kokan23 ऑगस्ट : विधानसभा निवडणुकीच्या पार्श्वभूमीवर पक्षांतराला उधाण आलंय. काँग्रेसचे नेते नारायण राणेंना आणखी एक धक्का बसलाय. काँग्रेसचे नेते आणि नारायण राणे यांचे समर्थक सुभाष बने, गणपत कदम शिवसेनेत प्रवेश करणार आहेत.

काँग्रेसमध्ये त्यांना कुठलंही पद दिलं गेलं नाही. त्यामुळे ते नाराज होते. आता विधानसभा निवडणुकीच्या पार्श्वभूमीवर पुन्हा ते स्वगृही परत येतायत. येत्या सोमवारी सुभाष बने, गणपत कदम शिवसेनेत प्रवेश करणार आहे. त्यांच्यासोबत काँग्रेसचे माजी पदाधिकारीही शिवसेनेत प्रवेश करणार आहेत.

विशेष म्हणजे नारायण राणे यांची काँग्रेसच्या प्रचारसमितीच्या प्रमुखपदी निवड करण्यात आलीय. आपल्या दोन्ही मुलांच्या उमेदवारीवरुन वाद निर्माण झाला होता. नितेश राणे यांना माघार घ्यावी लागली आहे तर निलेश राणे अजूनही तिकीटाच्या प्रतिक्षेत आहे. गेल्या आठवड्याभरापासून राष्ट्रवादी आणि काँग्रेसमधील नाराजांनी शिवसेनेची वाट धरली आहे.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close