आघाडीत रस्सीखेच सुरूच, राष्ट्रवादीपुढे 120-168चा फॉर्म्युला !

August 26, 2014 6:32 PM0 commentsViews: 1214

cm_on_ncp26 ऑगस्ट : विधानसभा निवडणुकांच्या तारखा लवकरच जाहीर होणार आहे मात्र दुसरीकडे अजूनही काँग्रेस राष्ट्रवादीमध्ये जागांसाठीची रस्सीखेच सुरूच आहे. जागावाटपावरुन सुरू असलेल्या वादानंतर आता काँग्रेसने राष्ट्रवादीसमोर 120-168 अशा वाटपाचा प्रस्ताव ठेवला आहे.

काँग्रेस राष्ट्रवादीला 6 जागा वाढवून द्यायला तयार झालीय. 2009 मध्ये आघाडीमध्ये 114-174 जागांचा फॉर्म्युला होता. आता मात्र काँग्रेसकडून राष्ट्रवादीला आघाडीच्या बोलणीसंदर्भात निर्वाणीचा इशारा देण्यात आलाय.

आघाडी करायची असेल तरच पुढची बोलणी होतील अशी सूचना माणिकराव ठाकरे राष्ट्रवादीला करणार असल्याचं समजतंय. राष्ट्रवादीनंतर आता काँग्रेसही सर्वच सर्व 288 जागांसाठी मुलाखती घेणार आहे. आणि राहिलेल्या 114 जागांच्या मुलाखतींसाठी हायकमांडकडे परवानगी मागण्यात येणार आहे.
+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close