मुंबईत वीज का बंद झाली?, ‘टाटा पॉवर’ची होणार चौकशी

September 3, 2014 5:00 PM0 commentsViews: 241

tata powar03 सप्टेंबर : एकीकडे गणेशोत्सवाची धूम सुरू आहे मात्र मुंबईकरांची मंगळवार मात्र अंधारात गेली. टाटा पॉवरच्या ट्रॉम्बे वीजपुरवठा केंद्रात बिघाड झाल्यामुळे मुंबईतील काही भागात अंधार पसरला होता. या प्रकरणाची दखल घेत राज्य सरकारने चौकशीचे आदेश दिले आहे. आठवड्याभरात या प्रकरणाचा अहवाल सादर करण्याची सुचना करण्यात आलीये.

टाटा पॉवरच्या ट्रॉॅम्बे वीजपुरवठा केंद्रात मोठा बिघाड झाल्याने मंगळवारी मुंबईच्या काही भागात लोडशेडिंग करण्यात आलं. वीजपुरवठा केंद्रात बिघाड झाल्यानं 500 मेगावॅट विजेचा तुटवडा निर्माण झाला होता.

त्यामुळे दादर, माहीम, धारावी, सायन, प्रभादेवी, परेल, भायखळा, चिंचपोकळी, गिरगाव, मुंबई सेंन्ट्रल या भागात लोडशेडिंग करण्यात आलं होतं. या घटनेची चौकशी करण्याचा निर्णय सरकारने घेतला आहे.

ऊर्जा खात्याच्या प्रधान सचिवाकडून चौकशी होणार आहे. वीज का बंद झाली त्याच्या कारणांची चौकशी करुन आठवडाभरात सरकारला अहवाल सादर करण्याचे आदेश देण्यात आले आहे.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close