आघाडीच्या मदतीने मनसेने नाशिकचा गड राखला

September 12, 2014 1:21 PM2 commentsViews: 5079

Nashik mayor

12 सप्टेंबर :  नाशिकच्या महापौरपदाच्या निवडणुकीत सत्तेचा एक नवा पॅटर्न पहायला मिळाला आहे. काँग्रेस-राष्ट्रवादीच्या मदतीने नाशिकच्या महापौरपदी मनसेचे नगरसेवक अशोक मुर्तडक यांची निवड झाली आहे तर उपमहापौरपदी अपक्ष गुरमीत बग्गा यांची निवड झाली आहे. अशोक मुर्तडक यांना 75 मतं मिळाली आहेत तर त्यांच्या विरोधात उभ्या असलेल्या शिवसेनेच्या सुधाकर बडगुजर यांना 44 मतं मिळाली आहेत.

मनसेचा महापौर असावा यासाठी काँग्रेस आणि राष्ट्रवादीनं मनसेला बाहेरून पाठिंबा दिला आहे. शिवसेना-भाजपा महायुतीला सत्तेबाहेर ठेवण्यासाठी काँग्रेस-राष्ट्रवादी आणि मनसे हे तिन्ही पक्ष एकत्र आले आहेत. मनसेच्या आणि काँग्रेसच्या प्रत्येकी दोन फुटीर नगरसेवकांनी शिवसेनेला मतदान केलं आहे. या मतदानात माकपच्या दोन तर जनराज्य पक्षाच्या एका असे तीन नगरसेवक तटस्थ होते. सत्तेच्या या नव्या नाशिक पॅटर्नमुळे विधानसभा निवडणुकांसाठीही नवे संकेत मिळाल्याचं मानलं जातं आहे.

दरम्यान, शिवसेना-भाजप यांच्या युतीला शह देण्यासाठी आम्ही मनसेला पाठिंबा दिला असल्याची प्रतिक्रिया राज्याचे बांधकाम आणि विकासमंत्री छगन भुजबळांनी दिली आहे.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

  • Dheeraj D. Kamble

    sagle ekach maleche mani ahet! Ikde congress la shivya ghalaychya ani tikde congress cha pathimba ghyaycha. Blueprint tayar karayla evdhi varshe lagli tar implement karayla kiti varshe lagtil yacha pan uttar dya saheb!

  • sharad_kul

    sattesathi ya deshat kahihi hou shakate ajache sattadhari udyache virodhak hotat sarv ghodabajarane nivadanukit nivadun yetat nashikchy matadarana kahich kimmat nahi tyani fakt 5 varshane ekda matadan karayache ani gappa basayache rajakiya pakshabaddal aja konachihi sahanbhuti nahi

close