काँग्रेसचा स्वबळाचा नारा, सोनियांकडे 288 जागेची यादी

September 16, 2014 5:50 PM0 commentsViews: 1796

Congress and sonia16 सप्टेंबर : काँग्रेस आणि राष्ट्रवादीने प्रचाराचा नारळ फोडला खरा मात्र जागावाटपाचा तिढा अजूनही कायम आहे. आता तर काँग्रेसने स्वबळावर लढण्याचे संकेत मिळत आहे. काँग्रेसच्या छाननी समितीने पक्षाध्यक्षा सोनिया गांधींकडे 288 उमेदवारांची यादीच पाठवली आहे.

आघाडीतल्या जागावाटपाचा तिढा कायम असतानाच काँग्रेस स्वबळावर लढणार की काय अशी माहिती सूत्रांकडून मिळत आहे. काँग्रेसच्या छाननी समितीने पक्षाध्यक्षा सोनिया गांधींकडे 288 जागांसाठी उमेदवारांची यादी पाठवल्याचं सूत्रांचं म्हणणं आहे.

काँग्रेसच्या छाननी समितीने सर्व 288 जागांवर उमेदवार निवडले आहेत. दुपारी काँग्रेसच्या छाननी समितीची बैठक संपली. त्यांनतर 288 उमेदवारांची यादी सोनियांना पाठवल्याचं सूत्रांकडून समजतंय.

आता काँग्रेस स्वबळावर लढणार की काँग्रेसचं हे दबावतंत्र आहे, यासाठी काही काळ थांबावं लागेल. विशेष म्हणजे 9 राज्यात झालेल्या पोटनिवडणुकीत काँग्रेसने यशाची चव चाखली आहे. त्यामुळे काँग्रेसने स्वबळाची तयारी करतंय की काय अशी शक्यता निर्माण झालीये.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close