दिल्ली डेअरडेव्हिल्सचा आणखी एक विजय : मुंबई इंडियन्स गारद

May 21, 2009 1:48 PM0 commentsViews: 2

21 मे, प्रेटोरिया इथे सुरू झालेल्या आजच्या पहिल्या आयपीएल मॅचमध्ये दिल्ली डेअरडेविल्सचा मुकाबला मुंबई इंडियन्सशी सुरू आहे. दिल्लीने टॉस जिंकून पहिल्यांदा फिल्डींगचा निर्णय घेतलाय आणि सेहवागच्या बॉलर्सनं त्याचा हा निर्णय योग्य ठरवला. पहिल्याच बॉलवर नेनसनं जयसूर्याची विकेट काढत मुंबईला पहिला धक्का दिला. त्यानंतर तिसर्‍या ओव्हरमध्ये पुन्हा नेनसनंच ड्युमिनीलाही पॅव्हेलियनला पाठवलं. दिल्ली यापूर्वीच सेमी फायनलमध्ये पोहचली आहे तर मुंबई इंडियन्ससाठी ही मॅच प्रतिष्ठेची ठरणार आहे. पण मुंबई इंडियन्सचं बॅड लक आयपीएलमध्ये टॉप फॉर्ममध्ये असलेल्या दिल्ली डेअरडेव्हिल्सनं आणखी एक विजय मिळवलाय. दिल्लीनं मुंबई इंडियन्सचा पराभव करत स्पर्धेत 10व्या विजयाची नोंद केली… मुंबई इंडियन्सनं विजयासाठी ठेवलेलं 166 रन्सचं टार्गेट दिल्लीनं चार विकेटच्या मोबदल्यात पार केलं. ओपनिंगला आलेल्या गौतम गंभीर आणि डेव्हिड वॉर्नरनं सुरुवातच आक्रमक केली. वॉर्नर 15 रन्स करुन धवल कुलकर्णीच्या बॉलिंगवर आऊट झाला.. यानंतर गंभीर आणि सेहवागची जोडी जमली. आणि या जोडीनं टीमला विजयाच्या मार्ग दाखवला… गंभीरनं 46 रन्स केले तर सेहवागनं शानदार हाफसेंच्युरी ठोकली… मंुबईतर्फे हरभजननं 4 विकेट घेतल्या. त्याआधी पहिली बॅटिंग करणार्‍या मुंबई इंडियन्सनं 165 रन्स केले. ओपनिंगला आलेला सनथ जयसुर्या पुन्हा एकदा फ्लॉप गेला. मॅचच्या पहिल्याच ओव्हरमध्ये तो शुन्यावर आऊट झाला. सचिन तेंडुलकर आणि अजिंक्य रहाणे वगळता मुंबईच्या इतर एकाही बॅटसमनला मोठा स्कोर करता आला नाही.. दिल्लीतर्फे नानेसनं सर्वाधिक 3 विकेट घेतल्या.

close