काँग्रेसच्या जाहिरातींसाठी पैसे कोणी दिले? -अजित पवार

October 2, 2014 1:50 PM1 commentViews: 853

ajit pawar ncpe
02 ऑक्टोबर :  पृथ्वीराज चव्हाण मिस्टर क्लीन असतील तर काँग्रेसच्या जाहिरातींना कोणी पैसे पुरवले? असा प्रश्न उपस्थित करत राष्ट्रवादीचे अजित पवार यांनी पुन्हा एकदा पृथ्वीराज चव्हाणांवर टीका केली आहे. सध्या काँग्रेसची एक जाहिरात टीव्हीवर गाजते आहे. त्याचा संदर्भ घेऊन चव्हाणांची सही फक्त जाहिरातीतच दिसली, यापूर्वी दिसतच नव्हती, असा टोमणा अजित पवारांनी लगावला आहे. पृथ्वीराज चव्हाणांनी काही बिल्डर्सना फायदा करून दिल्याचा गंभीर आरोपही अजित पवारांनी केला आहे. नागपूरमधल्या एका सभेत त्यांनी ही टीका केली आहे.

दरम्यान, निवडणुकीनंतर राष्ट्रवादी भाजपबरोबर जाणार नाही, याचा शरद पवारांनी पुनरुच्चार केला आहे. आज औरंगाबादमध्ये त्यांनी पत्रकार परिषदेत राष्ट्रवादीची भूमिका स्पष्ट केली. तसंच त्यांनी अजित पवार आणि छगन भुजबळ यांच्या कामाचं कौतुकही केलं.

पृथ्वीराज चव्हाणांविरोधातली लढाई राष्ट्रवादीनं त्यांच्या मतदारसंघापर्यंत नेली आहे. काल वेगवान घडामोडी घडत दक्षिण कराडमध्ये राष्ट्रवादीमध्ये फूट पडली. राष्ट्रवादीचे उमेदवार राजेंद्र यादव यांनी अर्ज मागे घेऊन पृथ्वीराज चव्हाणांना पाठिंबा दिला आहे. त्यानंतर राष्ट्रवादीने अपक्ष उमेदवार विलासकाका उंडाळकरांना पाठिंबा देत असल्याचं जाहीर केलं आहे. विलासकाका माजी मुख्यमंत्री पृथ्वीराज चव्हाणांच्या विरोधात दक्षिण कराडमध्यून निवडणूक लढवणार आहेत.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

  • aamadmi

    दादा मोदींना घाबरत असल्यामुळे फक्त हरलेल्या कॉंग्रेस वरच टीका करत आहेत. भाजप वर ब्र पण काढत नसल्यामुळे पृथ्वीराज चव्हाणांच्या आरोपात तथ्य वाटतंय .

close