‘बाळासाहेब म्हटलेच होते, कमळाबाईची नजर दुसर्‍या पक्षावर’

October 4, 2014 11:44 PM3 commentsViews: 5935

sharad pawar on yuti04 ऑक्टोबर : बाळासाहेब ठाकरे हे भाजपला भाजप न म्हणता कमळाबाई म्हणायचे. ही कमळाबाई राहते आमच्या पक्षात पण हीचं लक्ष दुसर्‍या पक्षाकडं असतं आणि त्यांचं वाक्य हे खरं ठरलं अशी आठवण करून देत राष्ट्रवादीचे अध्यक्ष शरद पवारांनी युतीच्या घटस्फोटावर चांगलंच तोंडसुख घेतलं. ते पुण्यात बोलत होते.

राष्ट्रवादीचे अध्यक्ष शरद पवार यांची आज (शनिवारी) पुण्यात बालेवाडीमध्ये सभा झाली. यावेळी त्यांनी सेना-भाजप महाफुटीवर चांगलीच टीका केली. शिवसेना भाजप युती तुटली ते होणारही होतं आणि एका दृष्टीने ते बरं ही झालं अशी टीका पवारांनी केलं.

पवार पुढे असंही म्हणाले की, मला चांगलं आठवतं बाळासाहेबांचं भाजपबद्दल ठाम मत होतं. ते आपल्या भाषणात नेहमी भाजपला भाजप न म्हणता कमळाबाई म्हणायचे. ही कमळाबाई राहते आमच्या पक्षात पण हीचं लक्ष दुसर्‍या पक्षाकडं असतं असं बाळासाहेब ठाकरे म्हणायचे असं मी म्हणत नाही अशा शब्दात शरद पवारांनी सेना भाजप फुटीबद्दल भाष्य केलं.

राज ठाकरे यांचीही त्यांनी खिल्ली उडवली. मी कोणावर वैयक्तिक टीका करत नाही, युती तोडल्यानंतर आपण आघाडी तोडली, असं म्हणणार्‍या राज यांचा मी आभारी आहे. कारण मी भाजप सेनेचंही धोरण ठरवतो, हे सिद्ध झालं.या निमित्ताने त्यांनी राष्ट्रवादीला प्रभावशाली तरी समजलं असा टोला पवारांनी लगावला. दरम्यान, या सभेत पाऊस आल्यानं लोकांना खुर्च्या डोक्यावर घ्याव्या लागल्या.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

  • vishal

    bjp vale ordun ordun sangtat kamlache batan daba kamalache batan daba

    yamule kamla 3 divas zale lay tention madhe ahe

  • Rahul

    Sharad Pawarji I hope you remember what Balasaheb used to call you!!

  • mayuresh

    we always want strong person as cm of Maharashtra like pawarsaheb. if ncp promote pawarji as cm. everybody will like it. nowdays party is not important leader is important who can lead the state

close