काँग्रेसला धक्के पे धक्का, हर्षवर्धन पाटील पराभूत

October 19, 2014 3:31 PM1 commentViews:

89harshvardhan_patil19 ऑक्टोबर : काँग्रेसचे उमेदवार आणि माजी सहकार मंत्री हर्षवर्धन पाटील हे पुण्यातील इंदापूर येथून निवडणूक लढवत होते. मात्र त्यांच्या विरोधात उभे असलेले राष्ट्रवादी काँग्रेसचे दत्ता भरणे यांनी तब्बल 15,177 मतांनी पाटील यांचा पराभव केला.

इंदापुरची लढत ही प्रतिष्ठेची लढत समजली जात होती. या लढतीत दत्ता भरणे यांनी 1,01,235 मत मिळवून आपला विजय निश्चित केला, तर पाटील यांना केवळ 86,058 मतांचीच मजल मारता आली. तसं पहायला गेल तर पश्चिम महाराष्ट्र हा राष्ट्रवादीचा बालेकिल्ला समजला जातो.

पण आघाडी तुटल्यामुळे काँग्रेसला याची किंमत मोजावी लागली. मागील विधानसभा निवडणुकीतही राष्ट्रवादी काँग्रेसने सर्वांधिक 58 जागांपैकी 21 जागा पटकावल्या होत्या तर काँग्रेसला 11 जागा मिळाल्या होत्या. त्यामुळे यंदाचे निकाल काय असणार, याकडे सर्वांचेच लक्ष लागले होते.
+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

  • GreatIndia

    aare wa ! Morgaon la ala ki line madhun ye. Madhun ghusato tya mule bappane tula dhada shikawala ahe.

close