मुंबईसह दोन विमानतळांवर हायअलर्ट

October 24, 2014 6:33 PM0 commentsViews:

7477907410a441f28425ea8183dff774

24 ऑक्टोबर :  दिवाळीच्या पार्श्वभूमीवर देशातील विमानांना लक्ष्य करण्याचा कट अतिरेक्यांनी रचल्याचं समोर आलं आहे. गुप्तचर विभागाला मिळालेल्या एका निनावी पत्रानंतर देशातल्या तीन विमानतळांवर हायअलर्ट जारी करण्यात आला आहे. यामध्ये मुंबई, अहमदाबाद आणि कोच्ची विमानतळांचा समावेश आहे.

सुत्रांनी दिलेल्या माहितीनुसार 24 ऑक्टोबरच्या मध्यरात्री अहमदाबादहून मुंबईच्या दिशेने उड्डाण करणार्‍या आणि 25 तारखेच्या पहाटे मुंबईहून कोच्चीला उड्डाण करणार्‍या विमानांच अपहरण करण्याचा कट अतिरेकी संघटनांनी आखल्याची माहिती गुप्तचर विभागाला एका निनावी पत्राद्वारे मिळाली आहे. या पत्रानंतर देशभरात हायअलर्ट जारी करण्यात आला असून तीनही विमानतळांवर सुरक्षा वाढवण्यात आली आहे. तर या दोन्ही दिवशी प्रवाशांनी विशेष काळजी घेऊन प्रवास करण्याचं आवाहन, गृहमंत्री राजनाथ सिंह आणि नागरी उड्डाण सुरक्षा विभागाने केलं आहे.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close