जम्मू- काश्मिर आणि झारखंडमध्ये पाच टप्प्यांत निवडणुका

October 25, 2014 8:13 PM0 commentsViews:

5bf9e4df2db88bcb95b05c225a6431ff_L

25 ऑक्टोबर :  जम्मू-काश्मीर आणि झारखंडमधल्या विधानसभा निवडणुकांचं बिगुल वाजलं आहे. जम्मू- काश्मिर आणि झारखंड येथे पाच टप्प्यात विधानसभा निवडणूक होणार असून 23 डिसेंबरला मतमोजणी होणार आहे, असे निवडणूक आयोगाने शनिवारी घेतलेल्या पत्रकार परिषदेत जाहीर केले.

जम्मू आणि काश्मीरमध्ये विधानसभेतील 87 जागांसाठी तर झारखंडमधील 81 जागांसाठी मतदान होणार आहे. पहिला टप्पा 25 नोव्हेंबरला होणार आहे तर शेवटचा टप्पा 20 डिसेंबरला होंणार आहे. दोन्ही राज्यात 25 नोव्हेंबर, 2 डिसेंबर, 9 डिसेंबर, 14 डिसेंबर आणि 20 डिसेंबर अशा पाच टप्पात मतदान होणार आहे. तर 23 डिसेंबरला मतमोजणी होऊन निकाल जाहीर होणार असल्याचं आयोगाच्या वतीने सांगण्यात आले. दिल्लीतल्या 3 जागांच्या पोटनिवडणुकाही 25 नोव्हेंबरला हाणार आहेत.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close