आमच्या कोणत्याही अटी-शर्ती नाहीत -संजय राऊत

October 28, 2014 1:26 PM1 commentViews:

Sanjay raut28 ऑक्टोबर : आमच्या कोणत्याही अटी शर्ती नाहीत, त्यामुळे पुन्हा युती करायची असेल तर दोन्ही बाजूंनी प्रयत्न झाले पाहिजे. शेवटी आमचा रक्तगट एकच आहे अशी नरमाईची भूमिका शिवसेनेचे नेते संजय राऊत यांनी मांडलीये. आमची युतीही 25 वर्षांपूर्वी झाली होती. गेल्या काहीकाळात आम्हीही चढउतार पाहिलेत. पण आमचे पाय जमिनीवर आहे असा टोलाही राऊत यांनी लगावला.

भाजप आज सरकार स्थापन करण्याचा दावा करणार आहे. पण शिवसेनेचा पाठिंबा घेणार की राष्ट्रवादीचा पाठिंबा घेणार हे अजूनही गुलदस्त्यातच आहे. पण शिवसेनेनं सपेशल लोटांगण घेत भाजपला पाठिंबा दिला आहे. आज पुन्हा संजय राऊत यांनी बिनशर्त पाठिंबा देत असल्याचं स्पष्ट केलंय. तसंच त्यांच्याकडे जास्त जागा आहेत त्यामुळे त्यांमुळे त्यांना सरकार स्थापन करण्याचा अधिकार आहे पण आमच्याकडेही बहुमतासाठी आवश्यक जागा आहे अशी आठवणही राऊत यांनी करून दिली. दरम्यान, शिवसेनेशी अतिशय सकारात्मक चर्चा सुरू आहे, अशी माहिती भाजप नेते चंद्रकांत पाटील यांनी दिलीय.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

  • arif

    arara

close