मराठा आरक्षणाला स्थगितीचे पडसाद, पंढरपुरात तोडफोड

November 14, 2014 7:23 PM1 commentViews:

pandharpur14 नोव्हेंबर : मराठा आरक्षणाला मुंबई हायकोर्टाने स्थगिती दिल्यानंतर पंढरपुरात त्याचे पडसाद उमटले. वेगवेगळ्या मराठा संघटनांनी सरकारचा निषेध करत तहसील कार्यालयाची तोडफोड केली.

राज्य शासनाने न्यायालयात मराठा समाजाची बाजू व्यवस्थितपणे न मांडल्याने न्यायालयाने आरक्षणाला स्थगिती दिल्याचा आरोप कार्यकर्त्यांनी केला. तोडफोड करण्यापूर्वी या पदाधिकार्‍यांनी तहसीलदार धनाजी गुरव यांना शासनाचे निषेध करणारे निवेदन दिलंय.

त्यानंतर या जमावातील काही कार्यकर्त्यांनी नायब तहसीलदार यांच्या केबिनच्या काचेवर दगड मारून कार्यालयाची नासधूस केली. घटनेनंतर पोलिसांनी पाहणी करून संबंधिताना कार्यालयाबाहेर काढले आणि ताब्यात घेतलं. या आंदोलनात संभाजी ब्रिगेड, छावा संघटना, मराठा महासंघ, शंभू सेना अशा मराठा संघटनाचे कार्यकर्ते सहभागी झाले होते.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

  • Ramesh Patwardhan

    सर्व मागासवर्गीयांना आरक्षण हा घटनेने दिलेला अधिकार आहे. तो मागासवर्गीयांना मिळायलाच पाहिजे …

close