भाजपच्या विश्वासदर्शक ठरावाविरोधात तिसरी याचिका दाखल

November 19, 2014 11:05 PM2 commentsViews:

Devendra_Fadnavis_swearing_in_ceremony_Wankhede_stadium_Mumbai (43)19 नोव्हेंबर : राज्य सरकारने संमत केलेल्या विश्वासदर्शक ठरावाच्या विरोधात मुंबई हायकोर्टात आज (बुधवारी) तिसरी जनहित याचिका दाखल झाली आहे. संजय लाखे-पाटील यांनी ही याचिका दाखल केली आहे.

सरकारनं बेकायदेशीर मार्गाने बहुमत सिद्ध केल्याचा भास निर्माण केलाय, असा आरोप पाटील यांनी केलाय. मुख्यमंत्री आणि त्यांच्या मंत्रिमंडळानं जनतेची फसवणूक केली असून मुख्यमंत्र्यांसह त्यांच्या मंत्रिमंडळाला ताबडतोब कार्यालयं रिकामी करण्याचे आदेश द्यावेत, अशी मागणी याचिकेत करण्यात आली आहे.

या प्रकरणी याचिकाकर्त्याची बाजू भारताचे अतिरिक्त महाधिवक्ता बी ए देसाई पाहत आहेत. आत्तापर्यंत यासंदर्भात तीन याचिका दाखल झालेल्या आहेत. सामाजिक कार्यकर्ते केतन तिरोडकर, राज अवस्थी यांनी या आधीच याचिका दाखल केली आहे.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

  • Surendra Gaikwad

    BJP we didnt expect this from You….

  • CA Rohan Achalia

    Kamlabai kadun hich apeksha hoti

close