येत्या शिवजयंतीला होणार शिवस्मारकाचं भूमिपूजन

December 15, 2014 5:26 PM0 commentsViews:

shivsamarak15 डिसेंबर : येत्या शिवजयंतीला म्हणजेच 19 फेब्रुवारीला मुंबईतील अरबी समुद्रात नियोजित छत्रपती शिवाजी महाराजाच्या स्मारकाचं भूमिपूजन करण्यात येणार असल्याची घोषणा मुख्यमंत्री देवेंद्र फडणवीस यांनी विधानसभेत केली आहे.

मुंबईत अरबी समुद्रात नियोजित छत्रपती शिवाजी महाराजांच्या स्मारकाला केंद्रीय पर्यावरण मंत्रालयाने 4 डिसेंबर रोजी हिरवा कंदील दिला. त्यामुळे स्मारक उभारण्याचा मार्ग मोकळा झाला. आमच्याकडून आम्ही परवानगी दिली असून आता राज्य सरकारने पुढील कामगिरी निभावावी असं केंद्रीय पर्यावरणमंत्री प्रकाश जावडेकर यांनी त्यावेळी स्पष्ट केलं होतं. अखेरीस राज्य सरकारने पुढचे पाऊल उचलत शिवस्मारकाच्या भूमिपूजनासाठी 19 फेब्रुवारी शिवजयंतीचा मुहूर्त साधला आहे. त्यामुळे शिवप्रेमींसाठी ही एक मोठी भेट ठरणार आहे. मात्र अरबी समुद्रातलं शिवस्मारक याचा आराखडा आघाडी सरकारनं आखला होता. आता हाच आरखडा भाजप सरकार कायम ठेवणार का हे पाहावं लागेल.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close