मुंबई-पुणे एक्स्प्रेस वेवर तिहेरी अपघात; वाहतुकीचा खोळंबा

December 26, 2014 11:46 AM0 commentsViews:

26 डिसेंबर :  खंडाळा घाटात तीन बसेस एकमेकांवर आदळल्याने मुंबई पुणे एक्स्प्रेस वेवर वाहतुक खोळंबली आहे. अपघातामध्ये 7-8 प्रवासी किरकोळ जखमी झाले असून त्यांना जवळच्या हॉस्पिटलमध्ये उपचारसाठी नेण्यात आले आहे.

या अपघातामुळे वाहतुकीचा चांगलाच खोळंबा झाला आहे. सध्या मुंबईकडे येणारी सर्व वाहतूक जुन्या मुंबई – पुणे हायवे वर वळवण्यात आल्याने जुन्या रस्त्यावर 7-8 किलोमीटरच्या लांबच्या लांब रांगा लागल्या आहेत.

मंबई-पुणे एक्स्प्रेस वेवर गेल्या काही दिवसांपासून अपघातांच्या घटनांमध्ये प्रचंड वाढ झाली आहे. मागच्याचं आठवड्यात 2 वेळा एक्स्प्रेस वेवर टॅक पेटल्याच्या घटनांमुळे प्रवाश्यांना बराच वेळ ट्राफिक जामचा सामना करावा लागला होता.

आज पुन्हा एक या तिहेरी अपघातामुळं मुंबई-पुणे एक्सप्रेसवर वाहतुकीचा खोळंबा झाला आहे. वाहतूक पूर्ववत करण्याचे काम युद्ध पातळीवर सुरू आहे. अपघाताचे नेमके कारण अद्याप समजू शकलेले नाही.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close