रघुवर दास यांनी घेतली झारखंडच्या मुख्यमंत्रिपदाची शपथ

December 28, 2014 2:05 PM0 commentsViews:

raghubar_das_jharkhand

28 डिसेंबर  : भाजपच्या विधीमंडळ पक्षाचे नेते रघुवर दास यांनी आज (रविवारी) झारखंडच्या  मुख्यमंत्रिपदाची शपथ घेतली. त्यांच्याबरोबर चार मंत्र्यांनीही शपथ घेतली. रांची येथील बिरसा मुंडा फुटबॉल स्टेडियमध्ये हा शपथविधी सोहळा झाला.

यावेळी निळकंठ सिंह मुंडा, चंद्रेश्वर प्रसाद सिंह, चंद्रप्रकाश चौधरी आणि लुईस मरांडी यांनी राज्याच्या कॅबिनेट मंत्रिपदाची शपथ घेतली. दरम्यान, थंडीमुळे दिल्लीतील अनेक विमान उड्डाणे रद्द होत असल्यामुळे पंतप्रधान नरेंद्र मोदी आणि भाजपाध्यक्ष अमित शाह या शपथविधी सोहळ्यास उपस्थित राहू शकले नाहीत.

झारखंडमध्ये झालेल्या विधानसभा निवडणुकीत भाजपने 42 जागा मिळवीत स्पष्ट बहुमत मिळविले होते. झारखंडमध्ये प्रथमच एखाद्या पक्षाला स्पष्ट बहुमत मिळाले आहे. रघुवर दास यांची मुख्यमंत्रिपदी भाजपकडून निवड करण्यात आली होती.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close