जातपंचायतीचं क्रौर्य, 9 दिवसांनंतरही आरोपी मोकाट

December 28, 2014 6:40 PM0 commentsViews:

jatpanchayat
28 डिसेंबर  : बारामती तालुक्यातल्या झारगडवाडीमध्ये वैदू समाजातल्या वाळीत टाकलेल्या कुटुंबाला अमानुष मारहाण करण्याच्या घटनेला आज 9 दिवस झाले. पण, या प्रकरणातले मुख्य सूत्रधार अजूनही फरार आहे. पोलिसांना आरोपींना अटक करण्यात अपयश आलं आहे.

संबंधित पीडित कुटुंबाला या वैदू जातपंचायतीने वाळीत टाकलं होतं. आम्हाला पुन्हा जातीत सामावून घ्या अशी विनंती करत हे कुटुंब 19 डिसेंबरला या जातपंचायतीकडे गेलं. पण यावेळी वैदू जातपंचायतीतल्या लोकांनी या पीडित कुटुंबांवर धारदार शस्त्रांनी हल्ला चढवला होता एवढचं नाही तर पीडित महिलेच्या योनीत मिरचीपूड टाकण्याचा अमानुष प्रकारही या जातपंचायतीच्या सदस्यांनी केला होता. या भीषण हल्ल्यात 3 महिलांसह 7 जण जखमी झाले होते.

या प्रकरणी 13 जणांवर गुन्हे दाखल करण्यात आला, मात्र आज 9 दिवस उलटूनही हल्ल्यातले 4 मुख्य सूत्रधार आणि इतर दोघे अजूनही फरार आहेत.

+++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close