आयसिसकडून मुंबईवर दहशतवादी हल्ल्याची धमकी

January 16, 2015 1:06 PM0 commentsViews:

Domestic airpor

16 जानेवारी : मुंबईतील डोमेस्टिक एअरपोर्टच्या वॉशरूमच्या भिंतीवर अतिरेकी हल्ल्याचा इशारा देण्यात आला आहे. इस्लामिक स्टेट (आयसिस) संघटनेने मुंबईवर येत्या 26 जानेवारीला एअरपोर्ट उडवून देण्याची धमकी देण्यात आली आहे.

डोमेस्टिक एअरपोर्टच्या टॉयलेटमधल्या भिंतीवर आयसिसच्या नावाने विमानतळ उडवून देण्याची धमकी लिहिण्यात आलेली आहे. या धमकीमध्ये 26 जानेवारीच्या दिवशी विमानतळ उडवून देण्याची धमकी देण्यात आली आहे. याआधीही 10 जानेवारी रोजी विमानतळ उडवून देण्याची धमकी देण्यात आली होती.

दरम्यान, अमेरिकेचे राष्ट्राध्यक्ष बराक ओबामा हे तीन दिवसांच्या भारत दौर्‍यासाठी 25 जानेवारीला येत आहेत. प्रजासत्ताक दिन सोहळ्याचे ओबामा प्रमुख अतिथी आहेत. अमेरिकेचे राष्ट्राध्यक्ष प्रजासत्ताक दिन सोहळ्याला येण्याची पहिलीच वेळ आहे. त्या पार्श्वभूमीवर भारत सरकारने सुरक्षा यंत्रणांना कडक सूचना दिल्या आहेत

++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close