‘बेस्ट’ प्रवास महागला!

February 1, 2015 2:48 PM1 commentViews:

BEST-buses

01 फेब्रुवारी :   तिकीट दरवाढ रोखण्यासाठी मुंबई महापालिकेकडून कोणताही प्रयत्न न झाल्याने आज, रविवारपासून मुंबईकरांचा बेस्टचा प्रवास महाग झाला आहे. बस भाड्यात एक ते दहा रुपयांची वाढ करण्यात आली असून बसचं किमान भाडं सात रुपये झालं आहे. गेल्या अनेक दिवसांपासून चर्चेत असलेली बेस्टची भाडेवाढ आज अखेर लागू करण्यात आली.

बेस्ट परिवहन विभागाने बसच्या साध्या तिकीट, मासिक, त्रैमासिक पास, वातानुकूलीत तिकीट दरात वाढ केली आहे.बेस्ट परिवहन विभागाने बसचे किमान तिकिट 6 रूपयांवरून आता 7 रूपये केले आहे. तोट्यात असलेल्या बेस्टला राज्य सरकारकडून कोणतीही आर्थिक मदत न मिळाल्याने महापालिका प्रशासनाने हा निर्णय घेतल्याचे सांगितले जात आहे.

आजपासून लागू झालेल्या दरवाढीमुळं प्रवासी हैराण झालेले असतानाच पुन्हा दोन महिन्यांनंतर म्हणजेच, 1 एप्रिलपासून भाडेवाढ होणार आहे. राज्य सरकार यामध्ये हस्तक्षेप करणार का, हे पाहणं महत्त्वाचं ठरणार आहे.

++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

  • Sachin Kulkarni

    J V P D 1 : Bus fare increase by Rs.4/-. Earlier it was Rs.4/- now Rs.10/-

close