गौतम गंभीर दुखापतीमुळे सीरिजमधून बाहेर

September 10, 2009 12:04 PM0 commentsViews: 1

10 सप्टेंबर भारताचा सलामीवीर बॅट्समन गौतम गंभीर दुखापतग्रस्त झाला आहे. त्याला ग्रॉइन किंवा जांघेची दुखापत झाल्याचं बोललं जातंय. गुरुवारी सकाळी टीमच्या सरावाला गंभीर उपस्थित होता. मात्र त्याने सरावात प्रत्यक्ष सहभाग घेतला नाही. थोड्या वेळात नंतर फिजिओ नितीन पटेल यांच्याबरोबर तो मैदान सोडून गेला. त्यानंतर मग त्याला दुखापत झाल्याचं स्पष्ट झालं. गंभीरला सध्या दहा दिवसांच्या विश्रांतीचा सल्ला देण्यात आला आहे. त्यामुळे तो श्रीलंकेतून मायदेशी परतणार आहे. गंभीर ऐवजी मुरली विजयीची भारतीय टीममध्ये निवड होण्याची शक्यता आहे. श्रीलंका आणि न्यूझीलंड विरुद्धच्या ट्राय सीरिजमध्ये भारतीय टीम गुरुवारी आपली पहिली मॅच खेळणार आहे.

close