अंधेरीत कमर्शियल बिल्डिंगला लागलेली आग आटोक्यात, जिवितहानी नाही

March 25, 2015 12:27 PM0 commentsViews:

andheri fire

25 मार्च : अंधरीच्या चकाला भागात असलेल्या कनाकिया या सात मजली कमर्शियल बिल्डिंगला आज सकाळी अकराच्या सुमारास भीषण आग लागली. घटनेची माहिती मिळताच अग्निशमन दलाचे जवान घटनास्थळी दाखल झाले आणि आगीवर नियंत्रण मिळवण्यात आलं. सुदैवाने या घटनेत कोणतीही जीवितहानी झालेली नाही.

चकाला इथल्या नटराज स्टुडियो कंम्पाऊंडमध्ये कनाकिया नावाची सात मजली कमर्शियल बिल्डिंग आहे. या बिल्डिंगच्या दुसर्‍या मजल्यावर ही आग लागली. या बिल्डिंगमध्ये अनके ऑफिसेस आहेत. सकाळी अकराच्या सुमारास अचानक बिल्डिंगमधून धुराचे लोट येऊ लागले. घटनेची माहिती मिळताच अग्निशमन दलाच्या 8 गाडया घटनास्थळी दाखल झाल्या. अग्निशमन दलाच्या जवाणांना या आगीवर नियंत्रण मिळवण्यात यश आलं आहे. दरम्यान, आगीचे नेमके कारण अद्याप अस्पष्ट आहे.

++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close