शिवसेना सत्तेचा दुरुपयोग करते – नारायण राणे

April 11, 2015 12:40 PM0 commentsViews:

06-Narayan-Rane

11  एप्रिल : अवघ्या महाराष्ट्राचे लक्ष लागून राहिलेल्या वांद्रे (पूर्व) विधानसभा मतदारसंघाच्या पोटनिवडणुकीसाठी मतदान सुरू असून आचारसंहितेचे नियम मोडल्याने नारायण राणे यांचे दोन्ही मुलं निलेश आणि नितेश राणे यांची अटकेनंतर सुटका करण्यात आली आहे.

मुंबईतील वांद्रे (पूर्व) मतदारसंघात आज (शनिवार) पोटनिवडणुकीसाठी मतदान सुरू असताना आचारसंहितेच्या नियमांचं उल्लंघन केल्याने वाकोला पोलिसांनी आमदार नितेश राणे आणि खेरवाडी पोलिसांनी माजी खासदार निलेश राणे यांना ताब्यात घेतलं आहे. वांद्रे (पूर्व) मतदारसंघात नितेश राणे आपल्या सुरक्षारक्षकासह फिरत होते. तर निलेश राणे मतदान केंद्राजवळ कार्यकर्त्यांसह फिरत असताना पोलिसांनी ही कारवाई केली. आचारसंहितेच्या नियमांनुसार मतदान सुरू असताना अशा प्रकारे फिरता येणार नाही, असा युक्तिवाद पोलिसांनी करून नितेश आणि निलेश राणेंना ताब्यात घेतलं होते. त्यानंतर मुलांच्या सुटकेसाठी खुद्द नारायण राणे पोलिस ठाण्यात गेले होते. अखेर पोलिसांनी या दोघांची सुटका केली आहे.

यावेळी नारायण राणे यांनी शिवसेना सत्तेचा दुरुपयोग करत असल्याचा आरोप केला आहे. तसंच पाच वाजेपर्यंत शिवसेनेच्या कोणत्याही नेत्यांच्या गाड्या या परिसरात फिरू देणार नाही, असा इशाराच त्यांनी दिला आहे.

++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close