कोल्हापुरात पुन्हा टोल आंदोलन चिघळण्याची शक्यता

May 19, 2015 3:03 PM2 commentsViews:

toll kolhapur19 मे : कोल्हापूरचा टोल प्रश्न आता पुन्हा एकदा चिघळण्याची शक्यता आहे. येत्या 1 जूनपासून टोलमुक्ती होईल असं आश्वासन पालकमंत्री चंद्रकांत पाटील यांनी दिलं होतं. मात्र, पाटील यांनी आता घुमजाव केलंय. आज संध्याकाळी कृती समितीची बैठक होणार आहे. या बैठकीनंतर पुन्हा एकदा समिती तीव्र आंदोलनाचा इशारा देण्याची शक्यता आहे.

केवळ MH 09 म्हणजेच कोल्हापूर पासिंगच्या वाहनांना 1 तारखेपासून टोलमुक्ती दिली जाईल. पुढच्या 8 महिन्यांमध्ये संपूर्ण टोलमुक्ती करू असा प्रस्ताव चंद्रकांत पाटील यांनी टोलविरोधी कृती समिती समोर ठेवला. मात्र, हा प्रस्ताव कृती समितीने अमान्य केलाय. याबाबत आज संध्याकाळी कृती समितीची महत्वपूर्ण बैठक होतेय. या बैठकीला जिल्ह्यातल्या विविध संघटना आणि राजकीय पक्षांचे नेतेही उपस्थित असणार आहेत. या बैठकीनंतर पुन्हा एकदा तीव्र आंदोलनाचा इशारा कृती समिती देण्याची शक्यता आहे. विशेष म्हणजे येत्या शुक्रवारपासून भाजपचं राष्ट्रीय अधिवेशन कोल्हापुरात सुरू होतंय. या अधिवेशनाला मुख्यमंत्री देवेंद्र फडणवीस, भाजपचे राष्ट्रीय अध्यक्ष अमित शहा, नितीन गडकरी उपस्थित राहणार आहेत. त्यामुळे कोल्हापूरकरांच्या रोषाला या दिग्गजांना सामोरं जावं लागणार असंच दिसतंय.

++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

  • Bharatiya

    why no one is talking about who was involved in ‘dhapala’ in this road project. They should be in jail.

  • Shankar Bhadange

    Our minister had given assurance in all problems ;in case of FRP PAYMENT OF CANE-SUGAR OF FARMER HE HAD GIVEN ASSURANCE TO Farmer that, IF sugar FACTORYIF NOT paid payment of farmer ,then SUGAR OF sugar factroy will attached but no action made ;that is only PAPER WORK ,WHAT WE CALLED KAGEDEE-GHODEE ;Same work in TOOL-PROBLEM IN KOLAPUR

close