कोकणात भात खरेदीसाठी नितेश राणेंचं ठिय्या आंदोलन

May 27, 2015 6:13 PM0 commentsViews:

nitesh rane thiya andolan27 मे : कोकणात सरकारने भात खरेदी अजून सुरू केलेली नाही, असा आरोप करत आज (मंगळवारी) काँग्रेस आमदार नितेश राणे यांनी आंदोलन केलं. शेतकर्‍यांचे प्रश्न सोडवण्यात सरकार कमी पडतंय, असा आरोपही राणे यांनी केला.

कोकणातल्या गोदामांमध्ये अजूनही गेल्यावर्षीचा भात आहे. त्यामुळे यावर्षी अजून खरेदी सुरू झालेली नाही. त्यामुळे भात उत्पादक शेतकरी चिंतेत आहे. हा मुद्दा आता नितेश राणेंनी उचलला आहे.

काँग्रेस कार्यकर्त्यांनी आज (बुधवारी)पदयात्रा काढून गोदामांमध्ये घुसण्याचा प्रयत्न केला. त्यांना पोलिसांनी अडवलं. त्याशिवाय मुंबई-गोवा हायवेवर कार्यकर्त्यांनी ठिय्या आंदोलन केलं. पोलिसांनी त्यांना ताब्यात घेऊन सोडून दिलं.

मे महिना संपत आला तरी सरकारनं अजून भाताची खरेदी केली नाही, याबाबत सरकारनं साधी चर्चाही केली नाही, असा आरोप राणेंनी केलाय. आमदार वैभव नाईक आणि खासदार विनायक राऊत हे भातखरेदीबाबत कलेक्टरांना भेटले खरे, पण त्यांनी कलेक्टरांसोबर फक्त फोटोसेशन केलं, अशी टीकाही नितेश राणेंनी केली.

++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close