पालिकेच्या व्यवहारात सोपी मराठी वापरा-आयुक्त

May 30, 2015 6:27 PM0 commentsViews:

palika aukt330 मे : एकीकडे मराठी भाषेला अभिजात दर्जा मिळावा यासाठी राज्य सरकार प्रयत्न करत आहे. तर दुसरीकडे मुंबई पालिकेनं मराठी भाषेसाठी सोपी पद्धत वापरण्यासाठी पाऊल उचलले आहे. पालिकेच्या दैनदिन व्यवहारात सोपी मराठी भाषा वापरावी असा आग्रह पालिकेचे नवे आयुक्त अजय मेहता यांनी केलाय.

मुंबई महानगर पालिकेचे नवे आयुक्त अजय मेहता यांनी प्रशासनातल्या सर्व मुख्य अधिकार्‍यांना एक परिपत्रक काढलंय. त्यानुसार पालिकेतल्या व्यवहारी मराठीतले क्लिष्ट शब्द शोधून त्याला पर्यायी शब्द शोधले जावे, मराठीला सोपं केलं जावं यासाठी अधिकार्‍यांना 15 तारखेची मुदत देण्यात आलीय.

शिवाय त्यानंतर तीन महिन्याच्या आत या सोप्या भाषेचा वापर सुरू केला जावा, असं या परिपत्रकात म्हटलय. पालिकेतल्या सर्वपक्षीय नगरसेवकांनी मात्र या परिपत्रकाला विरोध केला असून मराठीच्या कुठल्याही शब्दांना वगळू देणार नाही असं नगरसेवकांचं म्हणणं आहे.

++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close