‘पीके’चीनला भावला, 11 दिवसांत 83 कोटींची कमाई

June 3, 2015 2:06 PM0 commentsViews:

pk02-oct2303 जून : बॉलिवूडचा अभिनेता आमिर खानच्या पीके सिनेमाने नवा विक्रम केलाय. या सिनेमाने जगभरातून 246 कोटींचा गल्ला वसूल केलाय.

चीनमध्ये चायनिज भाषेत डब करून तब्बल 450 थिएटर्समध्ये रिलीज झालेल्या पीकेनं अवघ्या 11 दिवसांत 83 कोटी रूपयांचा गल्ला कमावलाय.

ही घोडदौड अशीच कायम राहिली तर देशाबाहेर 100 कोटी रूपयांचा गल्ला वसूल करणारा तो पहिला सिनेमा ठरेल. पीके या सिनेमाने चीनमध्ये 17 कोटींचं ओपनिंग विकेण्ड कलेक्शन मिळवलं होतं.

त्यामुळे तो देशाबाहेर 100 कोटी रूपये कमावणारा पहिला सिनेमा ठरतो का याकडे सगळ्यांचं लक्ष लागलंय. विशेष म्हणजे, आमिर खानने स्वत: चीनमध्ये जाऊन चित्रपटाचं प्रमोशन केलं होतं.

++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close