लिकिंग रोड परिसरात दुकानाला भीषण आग

July 21, 2015 12:46 PM0 commentsViews:

ÜÖ‡ÞÖÖêêË

21 जुलै : वांद्रे परिसरातील शॉपिंगसाठी प्रसिद्ध असणार्‍या लिकिंग रोडवरील केएफसीजवळच्या एका चप्पलच्या शोरूमला आज भीषण आग लागली आहे. अग्निशमन दलाच्या 12 गाडय़ा घटनास्थळी दाखल झाल्या आहेत. मात्र, अजून आगीवर नियंत्रण मिळवण्यात यश आलेलं नाही.

लिकिंग रोडवरच्या केएफसीजवळ एका चप्पलच्या शोरूमला शॉक सर्किटमुळे आग लागली. प्लास्टिक आणि चमडय़ाच्या चप्पलांमुळे ही आग झपाटय़ाने पेट घेत असून, सगळीकडे धुराचे लोळ पसरत आहे. त्यात पावसानेही जोर धरल्यामुळे अग्निशमन दलाच्या जवानांच्या कामात अडथळा निर्माण होत आहे. त्यामुळे नेहमीच शॉपिंगसाठी वर्दळ असणार्‍या रोडवर भीतीचे वातावरण निर्माण झाले आहे.

सुदैवाने यात कोणत्याही प्रकारची जीवितहानी झालेली नाही. सावधगिरी बाळगण्यासाठी आजूबाजूच्या इमारती आणि दुकानांना खाली करण्यात आलं आहे. सध्या अग्निशामक दलाच्या 12 गाडय़ा घटनास्थळी दाखल झाल्या असून, आग विझविण्यासाठी प्रयत्न सुरू आहेत.

++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close