पंढरपूरमध्ये चेंगराचेंगरीत एक भाविकाचा मृत्यू

July 27, 2015 7:35 PM0 commentsViews:

asfdsartes

27 जुलै : एकादशीनिमित्त अवघ्या महाराष्ट्रभरातून लाखो वारकरी विठूरायाच्या भेटीच्या ओढीनं पंढरपूरमध्ये दाखल झाले आहेत. वारीला गालबोट लागू नये म्हणून चोख पोलीस बंदोबस्तही ठेवण्यात आला होता. मात्र तरीही सोमवारी अफवा पसरल्याने झालेल्या चेंगराचेंगरीत एका भाविकाला जीव गमवावा लागला.

वारकरी जल्लोषामध्ये झेंडे फडकवत असताना झेंड्यामध्ये विजेच्या तारेला स्पर्श झाल्याने विजेचा धक्का शिरल्याची अफवा पसरली आणि एकच गोंधळ उडाला. यात झालेल्या चेंगराचेंगरीत एका भाविकाला जीव गमवावा लागला. यात 3 वारकरी गंभीर जखमी झाले असून त्यांना सोलापूरच्या रुग्णालयात दाखल करण्यात आलं असून 12 वारकरी किरकोळ जखमी आहेत, त्यांच्यावर पंढरपूरमध्येच उपचार सुरू आहेत.

++++++++++++++++++++++++++++++++++++++++++++++++++++++++++++++++++++++++++++++++++++

बातम्यांच्या अपडेटसाठी कनेक्ट राहा आमच्या फेसबुक पेज आणि टिवट्‌र अकाऊंटसोबत

Follow @ibnlokmattv

+++++++++++++++++++++++++++++++++++++++++++++++++++++++++++++++++++++++++++++++++++++

close