भैरोसिंग शेखावत यांचे निधन

May 15, 2010 1:57 PM0 commentsViews: 6

15 मे

माजी उपराष्ट्रपती भैरोसिंग शेखावत यांचे आज निधन झाले. ते 87 वर्षांचे होते. श्वसनाच्या त्रासामुळे त्यांना जयपूरमधील सवाई मानसिंग हॉस्पिटलमध्ये 13 मे रोजी दाखल करण्यात आले होते.

शेखावत हे भारताचे 11 वे उपराष्ट्रपती होते. 2002 ते 2007 या काळात त्यांनी उपराष्ट्रपती पद भूषवले.

त्यानंतर प्रतिभा पाटील यांच्याविरोधात राष्ट्रपतीपदाची निवडणूक लढवण्यासाठी त्यांनी 21 जुलै 2007 मध्ये पदाचा राजीनामा दिला.

तीन वेळा ते राजस्थानचे मुख्यमंत्री झाले होते. भाजपचे नेते असलेले शेखावत एनडीएचे एक महत्त्वाचे नेते होते.

close