बँकांच्या व्याजदरात पुन्हा वाढ

September 16, 2010 10:10 AM0 commentsViews: 6

16 सप्टेंबर

महागाईकाबूत आणणे आपले प्रमुख उद्दिष्ट असल्याचे सांगत आरबीआयने आज पुन्हा एकदा पावले उचलली आहेत. बँकांसाठी असणार्‍या व्याजदरांमध्ये आरबीआयने वाढ केली आहे.

त्यामुळे बँकांना आरबीआयकडून होणारा अर्थपुरवठा म्हणजेच रेपो रेट महागणार आहे. आता बँकांना आरबीआयकडून 6 टक्क्यांनी कर्ज घ्यावे लागेल, तर आरबीआय आता बँकांकडून 5 टक्क्यांनी पैसा परत घेईल.

याचा परिणाम होम लोन आणि इतर कर्जांसाठीच्या व्याजदरांवर होणार का, याकडे सगळ्यांचे लक्ष आहे. होमलोनसाठीच्या व्याजदरांमध्ये लगेच वाढ करणार नसल्याचे एचडीएफसीसारख्या बँकांनी स्पष्ट केले आहे.

पण कार लोन आणि इतर ग्राहक कर्ज मात्र महाग होण्याची चिन्हे आहेत. सोबतच येत्या महिन्याभरात बँका ठेवींवरील व्याजदर वाढवतील, असा तज्ज्ञांचा अंदाज आहे.

close