वरळी सी-लींकवरुन अज्ञात इसमाची आत्महत्या

November 27, 2010 1:44 PM0 commentsViews: 6

27 नोव्हेंबर

6 नोव्हेंबरला संपूर्ण शासकीय आणि पोलीस यंत्रणा बराक ओबामांच्या मुंबई दौर्‍यात गुंतली होती. आणि त्याचवेळी वरळी सी-लींकवरून एका माणसानं समुद्रात उडी घेऊन आत्महत्या केल्याची घटना घडली आहे. सीसीटीव्ही कॅमेरातून ही गोष्ट पोलिसांच्या निदर्शनास आली.

सी-लींकवरून समुद्रात उडी मारण्यापूर्वी हा माणूस या ब्रीजवर काहीतरी शोधत होता. त्याला एक पिशवीही मिळाली. ती पिशवी त्यानं समुद्रात फेकून दिली आणि नंतर त्यानं समुद्रात उडी मारली. 7 नोव्हेंबरला दादरच्या समुद्रकिनार्‍यावर एक मृतदेह पोलिसांना सापडला होता. ही व्यक्ती कोण होती याचा पोलीस तपास करत आहे. पण सी-लींकवर कडक सुरक्षा असताना ही व्यक्ती इथं कशी पोहोचली ? असे प्रश्नही आता निर्माण होत आहे.

close