सेंच्युरिअन टेस्ट वाचवण्यासाठी भारताची झुंज सुरु

December 19, 2010 10:38 AM0 commentsViews: 5

19 डिसेंबर

सेंच्युरिअनमध्ये सचिन तेंडूलकरने टेस्ट क्रिकेटमधले आपले 50 वे शतक पुर्ण केले आहे. सचिनच्या शतकामुळे भारताला या टेस्टवर मजबूत आधार मिळाला आहे. सचिन तेंडुलकरने सेंचुरियनच्या सुपर स्पोर्ट पार्क मैदानावर दक्षिण अफ्रिकेचे विरोधात खेळल्या जाणार्‍या टेस्टमध्ये चौथ्या दिवशी हा किताब हासिल केला आहे.

सचिन तेंडुलकर आणि कॅप्टन महेंद्रसिंग धोणी यांच्या झुंजार बॅटिंगच्या जोरावर भारताने 350 रन्सचा टप्पा पार केला. कालच्या 2 विकेट गमावत 190 रन्सवरुन आज भारतानं चौथ्या दिवसाची सुरुवात केली. द्रविड आणि ईशांत शर्मानं सकाळचं सत्रात संयमी बॅटिंग करत टीमला 200 रन्सचा टप्पा पार करुन दिला. पण डेल स्टेनने त्याचा अडथळा दूर केला. ईशांत शर्मा 23 रन्सवर आऊट झाला. यानंतर राहुल द्रविडही मैदानावर फार काळ टीकला नाही. 43 रन्स करुन तोही पॅव्हेलिअनमध्ये परतला. यानंतर आलेले व्ही व्ही एस लक्ष्मण आणि सुरेश रैना मैदानावर केवळ हजेरी लावून परतले. पण यानंतर सचिन तेंडुलकर आणि महेंद्रसिंग धोणीने भारताची इनिंग सावरली. या दोघांनी आक्रमक बॅटिंग करत दक्षिण आफ्रिकेच्या बॉलर्सवर दडपण आणलं आहे. या दोघांनी सातव्या विकेटसाठी शंभरहून अधिक रन्सची पार्टनरशिप केलीय आणि मॅच वाचवण्यासाठी जोरदार झुंज देत आहे.

close