कलमाडींचे पीए देवरुखकर यांना 17 फेब्रुवारीपर्यंत सीबीआय कोठडी

February 12, 2011 2:55 PM0 commentsViews: 2

12 फेब्रुवारी

कॉमनवेल्थ घोटाळ्याप्रकरणी सुरेश कलमाडी यांचे पीए आणि विश्वासू सहकारी शेखर देवरुखकर यांना 5 दिवसांची सीबीआय कोठडी ठोठावण्यात आली आहे. देवरुखकर यांना काल पुण्यातल्या कोथरुड परिसरात अटक करण्यात आली होती. त्यांना आज दुपारी दिल्लीत आणल्यानंतर पटियाळा हाऊस कोर्टातल्या न्यायमूतीर्ंच्या घरी हजर करण्यात आलं. कॉमनवेल्थ खेळांदरम्यान झालेल्या ओव्हरलेज घोटाळ्याच्या चौकशीसाठी सीबीआयने देवरुखकरांची कोठडी मागितली. ती मान्य करत कोर्टानं देवरुखकरांना 17 फेब्रुवारीपर्यंत सीबीआय कोठडी ठोठावली आहे.

देवरुखकर हे दिल्ली कॉमनवेल्थ संयोजन समितीमध्ये होते. कॉमनवेल्थ प्रकरणातल्या फसवणुकीसाठी पुण्याच्या कोथरुड भागातून सीबीआयने देवरुखकर यांना अटक केली. देवरुखकर यांची कसून चौकशी करण्यासाठी सीबीआयने त्यांच्या ट्रांझिट रिमांडची मागणी केली होती. शेखर देवरुखकर यांना सोमवारी अकराच्या आत पटियाला कोर्टात हजर करण्याचे आदेश देण्यात आलेत. शेखर यांना आयपीसी च्या 420 कलम आणि 120 ब अंतर्गत अटक करण्यात आली. शेखर यांना कोथरुड इथल्या निवासस्थानावरुन अटक करण्यात आली. दिल्लीवरुन सीबीआयची स्पेशल टीमने ही कारवाई केली. त्यांना जिल्हा न्यायमूर्ती ए सरदेसाई यांच्यापुढे हजर करण्यात आलं होतं.

close