संसदेत दोन्ही सभागृहामध्ये गदारोळ

March 22, 2011 10:53 AM0 commentsViews: 2

22 मार्च

संसदेच्या दोन्ही सभागृहांमध्ये आज कोणत्या विषयावर आधी चर्चा करायची यावरून गदारोळ झाला.आधी बजेट विधेयकावर चर्चा व्हावी असं सत्ताधारी पक्षाचं म्हणणं होतं. तर कॅश फॉर व्होटच्या मुद्यावर आधी अडीच तासांची छोटी चर्चा होऊ दे असा आग्रह विरोधकांनी धरला होता. पंतप्रधान कॅश फॉर व्होटच्या मुद्यावर सभागृहाची दिशाभूल करत आहे असा आरोप करत विरोधकांनी त्यांच्याविरूद्ध हक्कभंग प्रस्तावाची नोटीस दिली.

जर हा प्रस्ताव मंजूर झाला नाही तर नियम 176 अंतर्गत छोटी चर्चा व्हावी अशी मागणी विरोधकांनी केली. लोकसभेच्या अध्यक्ष मीरा कुमार यांनी सुषमा स्वराज यांना याबाबत पाठवलेल्या नोटीशीवर विचार होईल असं सांगितल्यावर गदारोळ सुरू झाला. कोणत्या मुद्यावर आधी चर्चा करायची याबद्दल सभागृहात एकमत होत नव्हतं.

close