कॅश फॉर वोट्सच्या मुद्यावरून संसदेत पुन्हा रणकंदन

March 23, 2011 5:36 PM0 commentsViews: 3

23 मार्च

कॅश फॉर वोट्सच्या मुद्द्याने आज संसदेत पुन्हा एकदा रणकंदन माजलं. विकिलिक्सने पुढे आणलेल्या माहितीच्या आधारावर आज लोकसभा आणि राज्यसभा या दोन्ही सभागृहात दिवसभर चर्चा झाली. ही चर्चा प्रामुख्याने तीन मुद्द्यांभोवती झाली. पहिला मुद्दा होता विकिलिक्सच्या सत्यतेचा. विरोधकांची भाषणं ही विकिलिक्सच्या केबलमधील माहितीवरच आधारली होती.

तर सरकारने या केबल्स निराधार असल्याचा दावा केला. विविध देशांचे राजदूत काय लिहितात. हे पडताळणं शक्य नसल्याचे पंतप्रधान म्हणाले. दुसरा मुद्दा होता कॅश फॉर वोट्सच्या आतापर्यंतच्या तपासाचा. हा तपास मंद गतीने होत असून सरकार त्यात हस्तक्षेप करतंय, असा आरोप विरोधकांनी केला. तर सरकारने मात्र तपास पूर्ण होण्यापर्यंत विरोधकांना संयम ठेवण्याचे आवाहन केलं.

तिसरा मुद्दा होता सीएनएन-आयबीएनने केलेल्या स्टिंग ऑपरेशनचा. भाजपचे खासदार सरकार विकत घेत असल्याचे या स्टिंग ऑपरेशनमुळे स्पष्ट झालं होतं. असा भाजपचे खासदार म्हणाले. तर 2008 साली भाजपने जाणून बुजून आपले खासदार विकायला काढले होते. भाजपनेच हे स्टिंग ऑपरेशन घडवून आणलं होतं असा आरोप आजच प्रसिद्ध झालेल्या एका मासिकातल्या बातमीचा हवाला देत कपिल सिब्बल यांनी केला.

close