शिवसैनिकांनी हेडलीचा पुतळा जाळला

May 25, 2011 4:47 PM0 commentsViews: 7

25 मे

शिवसेनाप्रमुख बाळासाहेब ठाकरे यांच्या हत्येचा कट होता अशी कबुली हेडलीनं दिल्यानंतर संतापलेले शिवसैनिक आज रस्त्यावर उतरले. सांगली जिल्ह्यातल्या मिरजेत शिवसैनिकांनी हेडलीचा पुतळा जाळला.

आंदोलकांनी हेडलीच्या पुतळ्याला चपला मारुन निषेध व्यक्त केला. कोल्हापुरातही शिवसैनीकांनी शिवाजी चौकात डेव्हिड हेडलीच्या पुतळ्याला फाशी दिली. ठाण्यात हेडली, राणा आणि लष्कर ए तोयबाचे प्रतिकात्मक पुतळे जाळले.

जालन्यातही शिवसेनेनं हेडलीचा पुतळा जाळून निषेध केला. शिवसेनेनं हेडली विरोधात यावेळी घोषणा दिल्या. पोलिसांनी 15 शिवसैनिकांना ताब्यात घेऊन नंतर सोडून दिलं.

close