पत्रकारांच्या साखळी उपोषणाला सुरूवात

June 15, 2011 11:52 AM0 commentsViews: 2

15 जून

जे.डे हत्या प्रकरणाची सीबीआय चौकशीची मागणी मुख्यमंत्री पृथ्वीराज चव्हाण यांनी फेटाळून लावली. त्यामुळे संतप्त पत्रकार संघटनांनी आजपासून साखळी उपोषण सुरू केलं आहे. मुंबई मराठी पत्रकार संघाच्या लॉबीमध्ये हे उपोषण सुरू आहे.यामध्ये आज पहिल्या दिवशी ज्येष्ठ पत्रकार प्रफुल्ल मारपकवार, एस.एम.देशमुख, प्रसाद मोकाशी आणि इतर पत्रकार हल्ला विरोधी कृती समितीचे सदस्य बसले आहेत.

जे.डे यांच्या हत्येच्या निषेधात सोमवारी पत्रकार कृती समितीच्यावतीने मोर्चा काढण्यात आला होता. यावेळी पत्रकारांच्या शिष्टमंडळाची मुख्यमंत्र्यांशी एक बैठक ही झाली होती. या बैठकीत गृहमंत्री आर.आर.पाटील यांनी राजीनामा द्यावा तसेच जे.डे हत्येचा तपास सीबीआयकडे देण्यात यावा अशी मागणी पत्रकारांनी केली होती ही मागणी मान्य झाली नाही तर 15 जूनपासून साखळी उपोषणाचा इशारा पत्रकारांनी दिला होता.

close