मारन यांच्यावर शेअर्स विकण्यासाठी दबाव टाकल्याचा आरोप

July 6, 2011 6:07 PM0 commentsViews: 4

06 जुलै

2-जी घोटाळ्याप्रकरणी माजी दूरसंचार मंत्री दयानिधी मारन आणखी अडचणीत आले आहे. 2 घोटाळ्याप्रकरणी सीबीआयने सुप्रीम कोर्टात आज स्टेटस रिपोर्ट सादर केला. त्यात दयानिधी मारन यांच्यावर ठपका ठेवण्यात आला आहे. मारन यांनी दूरसंचार मंत्री असताना एअरसेल कंपनीला लायसन्स देण्यात विनाकारण चालढकल केली असं चौकशीत स्पष्ट झालं.

दुसरीकडे मारन यांचे माजी दूरसंचार सचिव नृपेंद्र मिश्रा यांनी सीबीआयपुढे साक्ष दिली. त्यात त्यांनी मारन यांच्यावर भ्रष्टाचाराचे थेट आरोप केले आहे. त्यांचा कबुलीजबाब आयबीएन-नेटवर्कच्या हाती लागला.

आपले भाऊ कलानिधी मारन यांच्या मालकीच्या सन टीव्हीला फायदा करून देण्यासाठी मारन यांनी एअरसेल कंपनीला टार्गेट केलं होतं असं मिश्रा यांनी म्हटलंय. 2006 मध्ये दूरसंचार मंत्री असताना एअरसेल कंपनीला लायसन्सेस देण्याची प्रक्रिया मारन यांनी रोखली. अनावश्यक प्रश्न उपस्थित करून त्यांनी एअरसेलला टार्गेट केलं असंही मिश्रा यांनी म्हटलं आहे.

मारन अडचणीत

- लायसन्ससाठी एअरसेलचा अर्ज मारन यांनी जाणूनबुजून बाजूला ठेवला – दूरसंचार विभागाची शिफारस असतानाही मारन यांनी ही फाईल अडवली – एअरसेल कंपनीशी व्यवहार करताना मारन यांनी दबावाचा वापर केला – एअरसेलचे प्रमोटर शिवशंकरन यांना मॅक्सिस कंपनीला शेअर्स विकायला भाग पाडलं – लूप टेलिकॉमवरही सीबीआयचा ठपका – एस्सारनं लूप कंपनीच्या नावाखाली लायसन्स मिळवलं- लायसन्स मंजूर होण्याच्या फक्त 2 दिवस आधी एस्सारनं 2% शेअर्स लूपमध्ये विलीन केले – सीबीआयकडून कर्ज मिळवण्यासाठी एस्सारनं बँक गॅरंटी दिली

एअसेलचे संस्थापक शिवशंकरन यांनीसुद्धा मारन यांच्यावर यापूर्वी आरोप केला होता. एअरसेल मधील आपले शेअर्स सिंगापूरमधल्या मॅक्सिस या कंपनीला विकण्यासाठी मारन यांनी दबाव आणला असं शिवशंकरन यांनी सीबीआयला दिलेल्या जबाबात म्हटलं होतं. मॅक्सिस कंपनीच्या मालकाशी मारन यांचे जवळचे संबंध होते.

शिवशंकरन यांनी शेअर्स विकल्यानंतर लगेचच मॅक्सिसला स्पेक्ट्रमचे लायसन्स मिळालं. त्यानंतर मॅक्सिस कंपनीने मारन यांच्या कुटुंबीयांच्या मालकीच्या सन टीव्ही ग्रुपमध्ये 750 कोटी रुपये गुंतवले. 2006 मध्ये मारन दूरसंचार मंत्री होते. तेव्हाच हा सगळा व्यवहार झाला.

स्पेक्ट्रमच्या लायसन्ससाठी आपण केलेले अर्ज मारन यांनी वारवांर नामंजूर केले आणि आपल्याला शेअर्स विकायला भाग पाडले असा आरोप श्रीनिवासन यांनी केला होता. दरम्यान मारन यांना मंत्रिपदावरून हटवावे अशी मागणी तामिळनाडूच्या मुख्यमंत्री जयललिता यांनी केली. मंत्रिडळाच्या फेरबदलाच्या तोंडावरच मारन अडचणीत आलेत. त्यामुळे त्यांचं पद जाण्याची शक्यता आहे.

close