कालका एक्सप्रेस अपघातात मृतांची संख्या 66

July 11, 2011 10:33 AM0 commentsViews: 2

11 जुलै

उत्तर प्रदेशमध्ये काल झालेल्या हावडा-दिल्ली कालका एक्सप्रेस अपघातातल्या मृतांचा आकडा आता वाढत चालला आहे. आत्तापर्यंत 66 प्रवाशांचा मृत्यू झाला आहे. रुळावरून 13 डबे घसरल्यामुळे हा अपघात झाला. तर जवळपास 250 प्रवासी जखमी आहेत. रेल्वे प्रशासनाने मृतांच्या कुटुंबीयांना 5 लाख तर गंभीर जखमी झालेल्यांना 1 लाख रुपयांची मदत जाहीर केली आहे.

किरकोळ जखमींना 25 हजार रुपयांची मदत जाहीर करण्यात आली. फत्तेपूर-मालवाजवळ हा अपघात झाला. या अपघातामुळे हावडा-दिल्ली रेल्वे मार्ग ठप्प झाला आहे. त्यामुळे आत्तापर्यंत 15 ट्रेन रद्द करण्यात आल्या आहे. 23 गाड्यांचा मार्ग बदलण्यात आला. गाडी ताशी 108 किलोमीटरच्या वेगाने धावत असताना ड्रायव्हरने अचानक ब्रेक दाबल्यामुळे हा अपघात झाला.

यात एसी थ्री टीयर, पॅन्ट्री कार, 5 स्लीपर कोच आणि जनरल कम्पार्टमेंटचे 2 डबे रुळावरून घसरले. ड्रायव्हर आणि असिस्टंट ड्रायव्हर दोघंही गंभीर जखमी झाले आहे. राष्ट्रीय आपत्ती व्यवस्थापन बलाच्या तीन तुकड्या आणि आर्मीचे जवान घटनास्थळी बचावकार्य करत आहे. रेल्वे प्रशासनाने अपघातच्या चौकशीसाठी चौकशी आयोग नेमला आहे.

close